Ислам діні - Алла тағаланың Мұхаммед пайғамбар салла-л-лаһу ғалейһи уа салам арқылы жіберген ақиқат жолы, пендені құтқарар тура жол, дүние жүзіндегі ең ықпалды, әрі кеңінен тараған дін. Ислам діні бес қазыққа негізделген: шаһадат айту, намаз оқу, ораза ұстау, садақа беру, қажыға бару. Мұсылманның бұл бес парызын арабтар <<аркан ад-дин>> деп атайды. Ал енді бес парыздың бірі – намаз оқу жайында ерекше тоқталып өткіміз келеді. Намаз оқитын мұсылман адамды салауатты мұсылман деп атайды. Ислам дінінің негіздерінің бірі – намаз оқу. Алланың бар және бір екеніне, Хз. Мұхаммедтің Оның құлы және расулы екеніне иман еткен мұсылман Алла үшін ғибадат жасауға міндетті.Ғибадат Құран аяттарымен тікелей Алла тарапынан парыз қылынған. Хз. Мұхаммед пен алғашқы мұсылмандар тарапынан жасалған сүннет, ижма және қияс арқылы тұрақты болады. Ғибадаттардың парыз қылынуында әйел мен ерлер арасында айырмашылық болмаған. Намаздың жауапкер мұсылмандарға парыз болғандығы Құран Кәрімде көрсетілген: «Намаз мүміндерге белгілі уақытта парыз қылынды.» (Ниса сүресі, 103). Намаз туралы жүздеген аят бар;олардың біразының мағынасы төмендегідей: «(Мұхаммед САУ) күндіздің екі жағында, (таң және екінті намазы) Түннің күндізге таяу кезінде, (ақшам, жамыйық) намазын толық орында. Шынында жақсылықтар, жамандықтарды жояды. Бұл түсінушілер үшін бір насихат». (һұд сүресі, 114) «Намазды толық орындаңдар да зекет беріңдер. Әрі Пайғамбарға бой ұсыныңдар. Әрине мәрхаметке бөленесіңдер» (Нұр сүресі, 56). «Намаздарға сондай-ақ орта намазға сақтық істеңдер. Аллаға бой ұсынған түрде тұрыңдар» (Бақара сүресі, 238) Намаздың мүміндерге парыз ғибадат екендігі көптеген хадиспен де түсіндірілген: «Алланың парыз қылған намазы бесеу. Кімде-кім осы намаздардың дәреттерін,сүннеттерін орындап, нұқсансыз және оларды дәл уақытында оқып, ...
